Pwason ak kristase nan Massachusetts
Lanmè a ba nou manje, epi yon mwayen pou nou viv bò dlo nan Massachusetts pandan plizyè syèk. Lè nou achte pwason ak kristase nan men founisè lokal yo, nou sipòte fanmi pechè yo, ansanm ak sante nou. Pwason ak kristase se chanpyon nan pwoteyin ki pa gen anpil grès. Se yon sous pwoteyin entelijan ki gen anpil asid gra omega-3, epi ki bon anpil pou sante kè ak sèvo. Pwason ak kristase pa gen anpil kalori ni anpil grès, ki fè se yon bon altènativ pou ranplase lòt vyann.
Konsèy pou pwason ak kristase
- Si w ap achte yon pwason antye, gade si zye yo klè, epi yo pa vwale. Yon pwason jele pa dwe gen kristal glas sou li.
- Yon pwason fre kapab konsève nan frijidè pandan 2-3 jou. Yon pwason jele kapab konsève nan frizè pandan 2-3 mwa.
Eleman nitrisyon
Yon sèvis pwason bay asid gra omega-3, pwoteyin, ak vitamin B. Si ou manje 2 sèvis pwason oswa kristase ki gen 4 ons chak semenn, sa kapab redui chans pou ou gen pwoblèm nan kè.
Manje pwason ak kristase avèk plezi
Mete pwason ak kristase nan sa ou manje 2 fwa pa semenn. Fè yon menni tako pwason avèk pwasyon vyann blanch kwit nan fou, epi mete sou yo bagay tankou salsa,leti oubyen chou, ak fwomaj.
Eseye bon gou resèt bouyon pwason ak chou frize sa a.
